Mallorca sot fitoi 1-0 me Rayo Vallecanos në javën e dhjetë të kampionatit spanjoll. Heroi i ndeshjes ishte sulmuesi Vedat Muriqi, i cili ishte autor i golit të fitores.
Lojtari i kombëtares së Kosovës shënoi në minutën e 75-të, i asistuar nga Dani Rodriguez.
Performanca e tij totale gjatë ndeshjes ishte e shkëlqyer, aq sa Muriqi u vlerësua me notën 7.7 nga Sofascore, më e larta e ndeshjes.
Përveç golit, Muriqi shënoi katër herë drejt portës dhe fitoi gjithsej 11 duele (tokë dhe ajër).
Për 30-vjeçarin ky ishte goli i dytë sezonal.
