Superliga shqiptare luajti këtë fundjavë javën e 9-të të saj.
Pesë sfida që prodhuan në total 7 gola, për një mesatare prej 1.4 golash në çdo 90 minutësh. Mesatare tepër e ulët, pasi duhet theksuar se në dy sfida nuk u festua asnjëherë.
Përballja më më shumë gola u luajt në Kurbin, aty ku vendasit fituan pikët e para të plota kundër Vllaznisë me rezultatin 3-1. Një gol që nuk shmangu humbjen, por shkodranët kanë sulmin më të mirë të kësaj faze.
Me 12 gola të shënuar deri më tani, peshën më të madhe e ka luajtur Bekim Balaj me 5, duke qënë edhe golashënuesi momental i kampionatit.
Interesante është se tre skuadrat e para kanë shënuar 11 gola, aq sa Teuta e vendit të gjashtë. Renditja e skuadrave përmes golave vijon me Skënderbeun që ka shënuar 10, Elbasani e Tirana me 9 dhe Laçi me 3.
E brishtë në këtë aspakt është Bylis, me vetëm 4 gola të shënuar. Edhe mbrojtja është më e dobët e ballshiotëve, me 13 të pësuar, ndërsa këtë repart e ka më të mirin Elbasani, me vetëm 5 gola të pësuar.
