Real Madrid në fundjavë fitoi 2-1 ndaj Celta Vigos, duke patur në fushë një lojtar më shumë se veteran. Ai është Luka Modriç, 39 vjec e gjysmë.
Mesfushori kroat dha një asist fantastik për Vinicius Junior, i cili shënoi golin e fitores për “Los Blancos”.
Pas ndeshjes, gazetat spanjolle shkruan se Modric është zgjidhja e përjetshme e Real Madridit.
Gazetari i “The Guardian”, Sid Lowe, dha një koment epik për nënkampionin e botës:
“Ka një motiv pse Modric është ende në Madrid. Nuk bëhet fjalë për nostalgji, por sepse ai është mesfushori më i mirë në historinë e klubit. Nuk është stili i lojës apo pamja e tij e jashtme”.
“Modric është si një ‘bastard’ i vogël, një person i cili ka një fytyrë të rraskaptiur dhe asnjë yndyrë mbi të, që është ende shumë i mirë për futboll”.
