Mattia Perin ka nënshkruar një zgjatje të kontratës me Juventusin deri në qershor të vitit 2027. Juventusi e konfirmoi marrëveshjen e re me portierin Italian me një deklaratë zyrtare këtë të mërkurë.
“Mattia Perin do të vazhdojë aventurën e tij me Juventusin deri më 30 qershor 2027”, shkruhet në deklaratën e bardhezinjve.
“Është një rinovim i kontratës që është zyrtarizuar sot, pasi u shpall njeriu i ndeshjes, të marten, kundër Shtutgartit, madje edhe duke pritur një penallti, por që fatkeqësisht nuk ishte e mjaftueshme për të shmangur humbjen e parë të klubit në të gjitha garat në këtë sezon.
Mattia ka qenë lojtar i Juventusit që nga viti 2018 dhe me përjashtim të një periudhe një vit e gjysmë – nga janari 2020 deri në verën e vitit 2021 në huazim te Genoa – ai ka mbrojtur gjithmonë portën tonë me karizëm dhe përkushtim në 51 ndeshje, por rëndësia e tij shtrihet përtej fushës.
Qëndrimi i tij 'të mos dorëzohet kurrë' mishëron plotësisht shpirtin e Juventusit. Dhe për këto arsye, dhe shumë të tjera, ne jemi të emocionuar të vazhdojmë rrugëtimin tonë së bashku.
