Harry Kane e ka komentuar humbjen e rëndë të Bayern Munichut mbrëmë nga Barcelona në Ligën e Kampionëve.
Gjiganti bavarez u mposht me rezultat 1:4 në Kataluni në ndeshjen e vlefshme për xhiron e tretë të fazës së ligës.
Goli i sulmuesit anglez ishte i pamjaftueshëm për gjigantin bavarez, i cili e kishte dominuar Barçën në vitet e fundit, ndërsa për këtë të fundit tre gola i shënoi Raphinha e një Robert Lewandowski,.
“T’i pësosh tre gola në udhëtim në pjesën e parë nuk ishte një fillim i mbarë.
Në pjesën e parë e kishim një periudhë kur dukeshim vërtet të rrezikshëm, por Barcelona luajti më mirë se ne.
Duhet t’i shfrytëzojmë momentet kur jemi në momentet më të mira. Më pas u ndëshkuam në lojën e tranzicionit”, deklaroi fillimisht ish-futbollisti i Tottenhamit.
“Duhet të mësojmë nga kjo përvojë. Ndonjëherë jemi të ngutshëm për ta bërë pasimin final, ndërsa nëse do ta mbanim më shumë posedimin e topit, do të mundë të kishim më shumë raste.
Nuk ka nevojë të na kap paniku: e rëndësishme është të mësojmë dhe të përmirësohemi për herën tjetër”, përfundoi përfaqësuesi anglez.
