Barcelona ka shënuar fitore të madhe në derbin e madh të Kampionatit të Spanjës njëherësh derbi më i madh në botë.
Barcelona i dha leksion Real Madridit në “Santiago Bernabeu” duke i shkaktuar humbje të thellë, 4:0.
Lewandowski, Yamal e Raphinha, të papërmbajtshëm.
![Image](/media/botasot.info/images/2024/October/26/auto_991729975637.jpg)
Pamje nga ndeshja
Në minutën e 54-të, sulmuesi polak Robert Lewandowski, lirohet për mrekulli duke vepruar me të parën nga rreth 17 metra, goditja e tij përfurndoi në këndin e poshtëm të majtë të Realit, 0:1.
Në minutëne 56-të, Balde krosoi për bukuri, ndërsa Lewandowski shënoi me kokë për 0:2.
Lamine Yamal luftarak deri në pikën e fundit, futet brenda 16-shit dhe nga këndi i vdekur e mposhti portieri Lunin, 0:3 në minutën e 77-të.
Në minutën e 85-të, Raphinha parabolloi portierin Lunin, 0:4.
Ndeshje e hapur e lojë e nivelit të lartë, me raste shënimi qoftë nga vendasit qoftë nga udhëtuesit.
Një Barcelonë e rrezikshme në çdo moment me Lewandowskin e Yamalin, ndërsa Reali me Mbappen, Viniciusin e Bellinghamin, nuk treguan sonte klasin e tyre.
Barcelona nga 11 ndeshje, ka 10 fitore e vetëm 1 humbje, me goldallim 37:10.
Kampioni në fuqi i Spanjës, Reali tani ka pësuar humbjen e parë pas 7 fitoreve e 3 barazimeve.
Barcelona kryeson me 30 pikë e ka 6 më shumë se Reali në pozitën e dytë.