Për të përcaktuar pikën e re të kthesës së Interit dhe Milanit në “San Siro” si përfundimtare, mungon një pjesë e fundit, ajo ekonomike.
Çështja e kufizimit në unazën e dytë u tejkalua përfundimisht (do të mbeten vetëm disa pjesë: këndi që përqafon kullën juglindore, një pjesë e tribunës portokalli dhe një tjetër e Kurbës së Jugut) në takimin e disa ditëve më parë mesë bashkisë së Milanos,
Drejtorisë së urbanistikës, ministrit të kulturës Xhuli dhe ministrit të sportit Abodi, tani mbetet për t’u kuptuar se sa do të kërkojë Agjencia e të Ardhurave për blerjen e truallit që përfshin stadiumin aktual dhe atë ku do të ndërtohet i riu. Sipas “La Gazzetta dello Sport” diapazoni është midis 170 dhe 250 milionë euro, kështu që është e lehtë të hipotezosh një shifër afër 200 milionë: komunikimi zyrtar do të mbërrijë së shpejti, me fillimin e nëntorit si mundësi konkrete.
FITIME DHE AFATE – Gazeta e njohur italiane raporton edhe pozicionet e dy klubeve, sipas asaj që filtrohet: për Milanin është shumë e lartë, edhe sepse ka paguar tashmë 40 milionë për hipotezën e San Donatos, të cilën e mban ende të hapur; për Interin është një pikënisje, ndoshta më e lartë se ajo që konsiderohet e përshtatshme, mbi të cilën të nisin diskutimet. Nga ana tjetër, përveç kostos së tokës, dy klubet do të duhet të paguajnë edhe për punimet për rizhvillimin e “San Siro”-s, por pa harruar ndërtimin e stadiumit të ri.
Nëse hipoteza e “San Siro”-s bëhet zyrtare, duket ende e vështirë që të mund të fillohet puna para vitit 2026 me inaugurimin që duhet të ndodhte rreth vitit 2030. Skenarët e objektit të ri do të rrisnin të ardhurat e dy klubeve nga 70-75 milionë euro aktuale në vit. (duke marrë parasysh një sezon mesatar për sa i përket rezultateve) në një shumë fikse prej rreth 130 milionë në sezon, duke arritur nivelet e PSG, Bajern Myniht, Mançester Junajtid dhe Arsenal. Jo shifrat astronomike të Real Madridit, i cili mund të arrijë 400 milionë në vit, por gjithsesi një injeksion i mirë parash për të konkurruar në nivele edhe më të larta në Europë.
