Një 4 me 4 i çmendur në “San Siro” mes Interit dhe Juventusit që marrin nga një pikë në një ndeshje emocionuese, që prodhoi emocione të mëdha.
Pas këtij dueli spektakolar foli edhe mesfushori polak i zikaltërve, Piotr Zielinski, që në prononcimin e dhënë për “Sky Sport” u shpreh:
“Sigurisht që ka keqardhje për këtë rezultat, ne mund ta kishim mbyllur duke shënuar golin e pestë.
Nuk ia dolëm dhe më pas Juventusi reagoi mirë, për të shënuar golin e tretë dhe të katërt.
Është e dukshme që po pësojmë shumë gola. Kundërshtarët dilnin shumë lehtë, me një pasim gjenin hapësira për të dalë përpara. Është diçka që duhet përmirësuar sepse vitin e kaluar Interi nuk i lejonte këtë gjëra.
Fusha nuk ishte në gjendje shumë të mirë, kërkova një zëvendësim sepse këmbët e mia po vuanin. Unë preferoj të luaj në pozicionin tim natyral. Ka një emergjencë dhe aty ku është e nevojshme unë gjithmonë do të përpiqem të jap më të mirën time”, deklaroi Zielinski.
