“Thiago Motta nuk e pëlqen shumë Dushan Vllahoviq”.
Si çdo të martë, Luciano Moggi analizon javën e radhës të kampionatit italian (Serie A) në faqet e “Libero”. Në këtë rast, në mënyrë të pashmangshme në qendër të “skanerit” të tij ishte derbi italian, që përfundoi 4-4 mes Interit dhe Juventusit:
“Një ndeshje plot gabime, sidomos ato në mbrojtje, që në fund ndoshta i mërziti, para së gjithash, dy trajnerët, duke bërë që të shkëlqejë në mendje ideja se Napoli mund ta fitojë këtë kampionat.
Ulja fillestare e Yildiz në stol bëri bujë, aq më tepër thirrja e tij për të zëvendësuar Vlahovic, kur skuadra po humbiste 4-3. Shumë pyesin pse duhej të hiqej Vllahoviq. Për këtë temë po jap mendimin tim modest, i cili mund të jetë i afërt edhe me mendimet e trajnerit të Juventusit.
Unë gjykoj se Thiago bazohet në një sulm me Vlahovic në qendër, i cili, duke qenë i fortë me kokë, duhet të ushqehet nga krosimet nga krahët: Cambiaso (Gonzalez) dhe Conceicao në të djathtë, si dhe Yildiz në të majtë.
Ndeshjet e luajtura deri tani tregojnë se krahu i djathtë funksionon, i majti më pak, sepse Yildiz, duke qenë më i prirur për të kapërcyer kundërshtarët me driblimet e tij, ngadalëson lojën dhe i shërben pak sulmuesit. Kjo mund të jetë arsyeja e uljes së tij fillestare në stol, me Weah si startues, duke qenë lojtari amerikan ka më shumë gjasa të vrapojë dhe të luajë përkrah Vlahovic.
Në këtë vlerësim na ndihmojnë performancat e tij të mëparshme në krah, jo saktësisht të jashtëzakonshme, të cilat ndoshta mund ta kenë bindur trajnerin ta përdorë në një rol tjetër, duke i përshtatur më shumë karakteristikat e tij si ‘9 fals’, ndoshta duke menduar më shumë për krijimin e epërsisë numerike përpara.
Pra, Thiago Motta synonte të përfitonte nga sprinti i Weah dhe gatishmëria e tij për të kapërcyer lojtarin kundërshtar e goditur në portë”.
