Trajneri i Juventusit, Thiago Motta është vënë nën kritika për trajtimin e tij ndaj nënshkrimit të verës, Douglas Luiz dhe mbrojtësit Danilo, pas barazimit 2-2 kundër Parmës.
Duke folur për këtë çështje, ish-mesfushori shqiptar i Napolit, Valon Behrami, u shpreh me kritika ndaj trajnerit të Juves.
“Sinqerisht, e kam bërë. Ka një mikromenaxhim për çdo lojtar. Natyrisht, mund të bësh diçka të tillë me një ekip të ri. Futbollistëve u duhet një mësues për t’u bërë lojtarë të mirë. Thënë kështu, nëse dëshiron të arrish rezultate të mëdha, të duhen kampionë”, ka thënë fillimisht Behrami.
“Motta ka dy ose tre kampionë, por ai i ka delegjitimuar të dy. Douglas Luiz është i papërshtatshëm, por nuk është përfshirë shumë që nga fillimi. Më pas është Danilo. Tani për tani, ai nuk është në formë. Ai është gjykuar në çdo ndeshje dhe shpesh është nervoz”.
“Nëse kjo është strategjia, është në rregull. Të ndërtosh një ekip me lojtarë të rinj është në rregull, por atëherë duhet të ulësh pritshmëritë”, përfundoi ish-mesfushori shqiptar.
Juventusi nuk ka humbur ende asnjë ndeshje në Serie A nën drejtimin e Mottas, por barazimi kundër Parmës i ka lënë ata në vendin e katërt dhe shtatë pikë prapa liderit, Napolit.
