Ka disa ikona të Barcelonës që kanë luajtur dhe kanë pjesë e klubit edhe si trajner, duke përfshirë këtu Pep Guardiolën, Ronald Koeman e Xavi Hernandez.
Së fundmi, të njëjtën dëshirë e ka shprehur edhe Andres Iniesta, pasi u pensionua nga futbollit aktiv.
Messi pati një intervistë me gazetarin Fabrizio Romano këtë javë, duke prekur disa tema, që më herët nuk janë përmendur.
Njëra ndër to ishte edhe planifikimi i Lionel Messit pasi ta lë futbollin.
37-vjeçari konfirmoi se nuk do të merret me trajnerllëk, kurdo që do të pensionohet nga futbolli aktiv.
“Nuk po planifikoj të bëhem një trajner në të ardhmen, nuk është diçka që po e konsideroj”, ka thënë ai.
Mbetet të shihet se çfarë do të ndodhë me Messin pas përfundimit të karrierës, me argjentinasin që më parë ka thënë se do të kthehet te Barça, por si duket jo në rolin e trajnerit.
