Eneo Bitri ka tundur rrjetën në Hungari dhe është pikërisht Albion Marku ai që i ka asistuar.
Një gol “Made in Partizani” te Gior, pasi kujtojmë se dyshja e mbrojtjes ka veshur fanellën e “demave” në Superiore.
Marku bëri gjithçka mirë duke krosuar në zonë, kur luhej minuta e 38-të, ndërsa Bitri nuk mund të gabonte me kokë.
Një gol që dhe zhbllokoi sfidën e vlefshme për javën e 12-të të kampionatit në Hungari.
Bitri dhe Marku zgjodhën të festojnë duke bërë shqiponjën me duar. Muaji tetor ndërkohë shkoi mjaft mirë për Bitrin, i cilësuar dhe si lojtari i muajit nga Gior.
