Ditën e sotme do të luhen 2 ndeshje të javës së 12-të e kampionatit.
Kjo javë nis menjëherë me një ndeshje të fortë në “Egnatia Arena” .
Në orën 14:00, kampionët në fuqi të Egnatias do të presin në shtëpi Tiranën.
Një ndeshje interesante ku të dyja ekipet kërkojnë rikthimin te fitorja në kampionat.
Ndërkohë pasditen e sotme do të luhet edhe ndeshja Vllaznia – Skënderbeu. Në stadiumin “Loro Boriçi” në orën 17:00, kuqeblutë presin në shtëpi Skënderbeun dhe do të kërkojnë triumfin e radhës.
Nga ana tjetër korçarët synojnë të lënë pas humbjen me Partizanin dhe të rikthehen te rezultatet pozitive.
