Nuk ka fitues në “Teatrin e Ëndrrave”, pasi supersfida mes Manchester United dhe Chelsea përfundon në barazim 1:1, ndeshje e vlefshme për javën e 10-të të kampionatit anglez.
Pas një pjese të parë të luftuar të mbyllur në barazim pa gola, “djajtë e kuq” kalojnë në avantazh me Bruno Fernandes, që realizon nga pika e bardhë e penalltisë.
Por festa e vendasve nuk zgjat shumë pasi miqtë barazojnë shifrat me Moises Caicedo.
Pavarësisht përpjekjeve nga të dyja kampet, rezultati i kësaj sfide nuk ndryshon. Mbyllet 1-1 në “Old Trafford” dhe të dyja skuadrat detyrohen që të ndajnë nga një pikë.
Në ndeshjen tjetër të ditës së sotme në Premier Ligë, Tottenham fitoi me përmbysje 4-1 përballë Aston Vilës.
