Portieri i Milanit, Mike Maignan ka thënë se nuk është i shqetësuar për kërcënimin e quajtur “Kylian Mbappe”.
Maignan do të përballet me shokun e tij të kombëtares franceze në derbin mes Real Madrid dhe AC Milan sonte në “Santiago Bernabeu”.
“Futbolli më jep gjithmonë adrenalinë. Jam i emocionuar të luaj kundër të gjithëve, kështu që për mua gjëja më e mirë do të jetë të fitoj me shokët e skuadrës”, tha Maignan.
“Nëse nuk mendoj se jam më i miri, askush tjetër nuk do ta bëjë këtë për mua. Unë jam portieri i pestë më i mirë në botë, por ende duhet të përmirësohem. Prioriteti im është ndeshja e sotme”, shtoi ai.
Kujtojmë se Real Madrid dhe Milan takohen sonte nga ora 21:00.
