Agim Ademi, president i Federatës së Futbollit të Kosovës, ka përgëzuar vashat e reja për sukesin në rrafshin ndërkombëtar.
Kosova U17 është në Ligën A.
“Urime kalimi në Ligën A për kualifikimet e Evropianit 2025 për Kombëtaren U17.
Vajzat e Kombëtares U17 kanë siguruar kalimin në Ligën A për kualifikimet e Evropianit 2025.
Fitorja ndaj Shqipërisë (3:1) dhe barazimi ndaj Izraelit (1:1) rezultuan të mjaftueshme që Dardanet U17 të kualifikohen tutje në këtë cikël të garave.
Ky është viti i tretë radhazi që Kombëtarja U17 siguron kalimin në Ligën A të kualifikimeve të Evropianit dhe është dëshmi e punës me gjeneratat e reja.
Përgëzoj futbollistet e reja për këtë sukses dhe stafin e trajnereve në krye me Sanije Krasniqin për punën me këtë gjeneratë të futbollisteve.
Paraqitja në Ligën A me ekipe shumë të forta do të jetë një mundësi e mirë për lojtaret e reja që të zhvillohen edhe më shumë dhe të fitojnë eksperiencën e duhur në nivele të tilla”, ka uruar Ademi.
