Chelsea do të luajë sot në Conference League ndaj armenëve të Noah, por në fushë për londinezët nuk do të zbresë sulmuesi Cole Palmer. I dëmtuar në ndeshjen e fundit në kampionat, lojtari nuk është grumbulluar nga trajneri Enzo Maresca.
Ai shpreson ta rikuperojë për ndeshjen e fundjavës në Premier League: “Palmer nuk u stërvit dje, kështu që ne do të shohim nëse është në gjendje. Ai po rikuperohet, por nuk do të luajë sot në Europë. Të shohim nëse do të rikuperojë për ndeshjen e së dielës”.
“Ne do të bëjmë disa ndryshime, pasi kemi 25 lojtarë mjaft të mirë dhe të gjithë janë në dispozicion. Sezoni është kaq i gjatë dhe ne kemi kaq shumë ndeshje. Sigurisht, të gjitha do të luhen: Premier League, Cobference League ose FA Cup”, tha Maresca.
Trajneri shtoi se do t’i japë më shumë minuta Joao Felix: “Do të doja t’i jepja më shumë minuta në Premier, por aty kemi nevojë për më shumë ekuilibër në mbrojtje. Nëse ai vazhdon të punojë, do të gjejë momentin e tij në Premier League”.
