Kategoria e Parë mbylli fazën e parë dhe skuadrat bëhen gati për të zbritur në fushë për të luajtur ndeshjet e javës së 12-të të kampionatit. Kjo javë do të jetë e ndarë në tre ditë, pasi do të luhet të premten, të shtunën dhe të dielën.
Të premten do të luhen dy takime. Apolonia do të sfidojë në “Loni Papuçiu” Vorën në orën 14:00.
Të dyja skuadrat kanë pretendime të mëdha këtë sezon, prandaj kjo ndeshje premton spektakël. Lushnja-Korabi është takimi tjetër që do të luhet ditën e premte në po të njëjtën orë.
Të shtunën në orën 14:00 do të luhen ndeshjet Erzeni-Kukësi dhe Kastrioti-Pogradeci.
Ndërsa të dielën do të luhen dy sfidat e fundit të javës së 12-të. Kryesuesit e Flamurtarit i pret një transfertë e vështirë në Burrel përballë skuadrës vendase, që është e vetmja që i ka mundur vlonjatët këtë sezon. Kjo ndeshje do të transmetohet në RTSH 2. Të dielën do të luhet edhe takimi Besa-Valbona.
