Skuadra e Liverpool po dominon kudo, si në Premier League ashtu dhe në Champions League.
Aventura e trajnerit Arne Slot me fanellën e “reds” ka nisur mjaft mirë, duke bindur si me rezultate ashtu dhe me lojën e tij.
“Natyrisht që rezultatet më gëzojnë dhe na japing të drejtë për punën që kemi bërë deri më tani.
Por, më shumë jam i kënaqur nga lojërat që po bëjmë. Kjo është ajo që më jep më shumë besim për të ardhmen”, u shpreh Slot.
“Mos mendoni se fituam 4-0 ndaj Leverkusen dhe ishte e lehtë, përkundrazi. Po vrapojmë dhe po duelojmë fort për çdo top, duke mos toleruar asnjë metër në fushën e lojës dhe kjo tregon për vendosmërinë që kemi për të fituar”, shtoi holandezi.
Në fund, trajneri Arne Slot komentoi: “Këto rezultate na japin më shumë besim, pasi sezoni është ende i gjatë dhe kemi shumë ndeshje përpara. Do të pushojmë pak javën tjetër dhe do të përpiqemi të marrim më të mirën nga një tur force që nis në tri muajt e ardhshëm”.
