Milan Skriniar dëshiron të rikthehet në Serinë A, në një kontekst që tashmë e njeh shumë mirë dhe ku mund të bëjë diferencën.
Sipas mediave italiane, Skriniar do të donte të ulte pagën e tij në 6.5 milionë për të lejuar që Juventus ta merrte atë.
Në këtë moment topi do t’i kalonte PSG-së, për të miratuar formulën e mundshme të zbarkimit në Torino në formë huazimi, duke qenë se bardhezinjtë në këtë rast nuk do të mendonin për një lëvizje të përhershme.
Dhe nuk mbaron këtu. Sipas Top Calcio 24, në fakt, një tjetër operacion i mundshëm huazimi me të drejtë blerje nga kryeqyteti francez mund të realizohet për Goncalo Ramos, sulmuesin portugez.
Edhe ai, i cili nuk po shkëlqen në Paris, do të ishte në favor të një transferim tek Juventus.
