Cristian Shpendi vazhdon të shkëlqejë te skuadra e Cesenas. Sulmuesi shqiptar ditën e sotme gjeti sërish rrugën e rrjetës me skuadrën e tij në fitoren 2-0 ndaj Cittadella së Elham Kastratit.
Shpendi shënoi në minutën e 67-të të takimit me anë të një penalltie. Me këtë gol shqiptari dyfishoi shifrat për Cesenan.
Ndërkohë 21-vjeçari shënoi edhe golin e dytë personal, por u anulua për pozicion jashtë loje.
Shpendi i përgjigjet në këtë mënyrë Sylvinhos, me këtë të fundit që u shpreh në konferencën për shtyp se ende nuk ishte momenti i tij për ta grumbulluar në Kombëtare.
Kujtojmë se me golin e ditës së sotme shkon në kuotën e 10 realizimeve me Cesenan në këtë sezon. Teksa ka luajtur ën 14 ndeshje në të gjitha garat ku ka marrë pjesë.
