Mesfushori spanjoll Mikel Merino, në sezonin e tij të parë në Angli, u shpreh se Arsenal nuk po mendon për titullin në Premier League. Skuadra e trajnerit Mikel Arteta ndodhet 9 pikë pas kryesuesve të Liverpool.
Barazimi 1-1 i së dielës me Chelsea në “Stamford Bridge” bëri që “topçinjtë” të humbasin edhe më shumë terren ndaj “reds”. Ndërkohë që, Arsenal nuk fiton prej 4 ndeshjes në kampionat.
“Personalisht nuk mendoj për titullin. Për momentin duhet të mendojmë për hapin tjetër, seancën tjetër stërvitore, ndeshjen e radhës dhe të mos shikojmë shumë përpara. Duhen bërë hapat një e nga një për të shkuar te titulli”, tha Merino.
“Hapat e vegjël janë ata që do të ndërtojnë një plan afatgjatë”, tha më tej Merino, që këtë sezon ka patur disa probleme fizike. Arsenal kërkon një titull kampion që mungon prej 21 vitesh.
