Marçelino Preka është një tjetër lojtar nga futbolli vendas, që po i shërben Silvinjos për seancat stërvitore të Kombëtares.
Kujtojmë se dje ishin të pranishëm lojtarë të tjerë nga Vora, Apolonia, Dinamo, Tirana dhe Teuta për seancën stërvitore në “Air Albania”.
Aktualisht mungon ftesa zyrtare për grumbullim në ndeshjet ndaj Çekisë dhe Ukrainës. Mbrojtësi i Partizanit ndërkohë nuk është i ftuar as nga Kombëtarja U-21 për miqësoret ndaj Moldavisë, më 15 dhe 18 nëntor.
Preka prej tetë javësh ka fituar vendin e titullarit fiks te Partizani. Mbrojtësi 21-vjeçar është pjesë e klubit të kuq prej sezonit 2022/23, kur u ble dhe kartoni i tij nga Bylisi.
