Rodri ka folur për ngacmimin që i bëri Vinicius Junior pas fitimit të Topit të Artë 2024.
Mesfushori i Manchester City-t e cilësoi veprimin e tij si një rivalitet sportiv i shëndetshëm.
Gjatë festimeve pas ceremonisë së Topit të Artë, Rodri është parë duke brohoritur emrin e Vinicius në një video të postuar nga Manchester City në rrjetet e tyre sociale, e cila u fshi më vonë.
Mesfushori këndoi këngën e njohur italiane ‘Bella Ciao’, duke ndryshuar tekstin dhe duke përfshirë emrin e sulmuesit të Real Madridit, siç mund të shihet në videon më poshtë.
Në një intervistë të fundit për COPE, Rodri foli për triumfin e tij të Topit të Artë dhe komentoi videon. Ai tha:
“Njerëzit duhet ta kuptojnë se është rivalitet sportiv i shëndetshëm. Në fund të fundit, është një festë private, një moment kur nuk po mendon për asgjë tjetër”.
