Futbollisti i kombëtares së Rumanisë, Marius Marin, ka deklaruar në një intervistë të transmetuar në kanalin YouTube të FRF-së, se duan t’u japin fitoren rumunëve në ndeshjen me Kosovën në kuadër të Ligës C të Kombeve.
"Ne kemi një ndeshje shumë të vështirë përpara nesh, me Kosovën, sepse ata kanë lojtarë cilësorë, luajnë kundër skuadrave mjaft të mira.
Shpresojmë të bëjmë punën tonë sa më mirë dhe t'u japim fitoren rumunëve.
Duam të përfundojmë të pamposhtur.
Ne duam t'i mbyllim të gjitha ndeshjet me fitore, sepse kështu rritet mentaliteti fitues dhe mund të bëhesh top ekip.
Mendoj se ky duhet të jetë objektivi ynë.
Shpresoj që tifozët të jenë me ne, të na mbështesin, sepse ne duam të arrijmë qëllimin tonë dhe të arrijmë atje ku të gjithë duam të jemi”, tha Marin.
