Sipas raportimeve në Turqi, Gallatasarai do të ofrojë para të gatshme plus Davinson Sançezin, Baris Alper Jillmaz ose Junus Akgun për të blerë Viktor Osimhen përgjithmonë nga Napoli.
Sulmuesi nigerian bëri lëvizjen në Turqi në formë huazimi më 4 shtator, pasi transferimet e mundshme të ditës së fundit në Çellsi dhe në Superligën e Arabisë Saudite dështuan.
Ishte menduar të ishte një situatë e përkohshme për të siguruar që ai të mos kalonte disa muaj në tribunë, por me tetë gola dhe katër asistime në nëntë ndeshje, Gallatasarai dëshiron ta bëjë marrëveshjen të përhershme.
Klauzola e lirimit mbetet në 120 milionë euro, megjithëse kjo do të bjerë në 80 milionë euro nëse nuk është rënë dakord për një shitje deri në qershor 2025.
Sipas gazetës turke “Milliyet”, Gallatasarai po planifikon të ofrojë lojtarë si pjesë e një marrëveshjeje për të ulur koston e operacionit. Ndër emrat që mund të ofrohen në këmbim janë Davinson Sanchez – i cili mund të ribashkohet me ish-trajnerin e Tottenham Hotspur, Antonio Konte në Napoli – lojtari i gjithanshëm Baris Alper Jilmaz dhe anësori i majtë Junus Akgun.
