I intervistuar nga “Mundo Deportivo”, drejtori sportiv i Barcelonës, Deco, foli për rinovimin e Araujo:
“Klubi është në një dinamikë të rëndësishme rritjeje, po kthejmë Barçën që të gjithë e respektojnë në Europë, e cila ka lojtarë të nivelit të lartë, që është konkurruese në çdo garë ku merr pjesë.
Lojtarët duan të qëndrojnë te Barcelona për të konkurruar në nivele të larta.
Po bëjmë punë cilësore, kemi njerëz që na mbështesin çdo ditë në të gjitha nivelet. Lojtarët duhet ta ndjejnë këtë. Mendoj se po ecim mirë, imagjinoj se Ronald dëshiron të jetë pjesë e Barçës edhe në vitet e ardhshme.
Ju garantoj se do të jetë një Barcelonë që do të luftojë për të gjithë titujt, që do të fitojë.
Do të do të doja të isha pjesë e saj, nëse do të isha lojtar sot. Mendoj se Ronald ndihet pak a shumë në të njëjtën mënyrë. Jemi duke punuar për rinovimin e tij dhe do ta themi verdiktin në momentin e duhur.
Nuk dua t’i individualizoj rinovimet, sepse lojtarët në këtë proces janë më shumë. Është një punë që do ta bëjmë dita-ditës.
Ne po punojmë, por për mua gjëja më e rëndësishme është që idetë e lojtarëve të përkojnë me tonat. Ne e dimë se çfarë duam, por kjo varet gjithmonë nga lojtarët. Nëse lojtarët e duan, gjërat do të shkojnë mirë”.
