Bruno Fernandes ka mbështetur trajnerin Ruben Amorim për të rikrijuar te Manchester Unitedi disa nga magjitë e tij që kishte te Sporting Lisbona.
Amorim ka filluar punën në Carrington pas mbërritjes së tij në fillim të kësaj jave dhe kapiteni beson se trajneri 39-vjeçar e ka dëshmuar aftësinë e tij.
“Ky është momenti i duhur që Amorim të vijë, të sjellë energjinë e tij, cilësitë dhe njohuritë e tij për futbollin, sepse ai bëri diçka shumë të veçantë në Sporting”, ka thënë fillimisht Bruno për Sky Sports.
“Kam parë pothuajse të gjitha ndeshjet e Sportingut. Ai është dikush që riktheu emocionet në klub”.
“Ai solli shumë gjëra të mira në klub dhe shpresojmë se ai mund të bëjë të njëjtën gjë këtu sepse ndonjëherë një person mund të ndryshojë energjinë e një hapësire nëse është momenti i duhur”.
Bruno më pas ndau disa njohuri për gjendjen e Sportingut para emërimit të Amorimit.
“Ata ishin rreth 20 vjet pa fituar ligën, ai i ktheu ata në fitimin e ligës dhe e bëri atë dy herë në katër vjet me një ekip vërtet të ri në një moment ndryshimi”.
“Shpresojmë se mund të jetë një moment i suksesshëm për ne”, përfundoi kapiteni i Djajve të Kuq.
Kanë kaluar më shumë se 10 vjet që kur Djajtë e Kuq fituan për herë të fundit titullin e Ligës Premier – ishte në vitin 2013 përpara se Sir Alex Ferguson të shpallte pensionimin.
