Li Karslej ka urdhëruar yjet e tij të Anglisë që të sigurohen që ai të përfundojë me sukses periudhën e tij të kujdestarisë në stolin e Anglisë.
Tekniku provizor do të marrë drejtimin e dy ndeshjeve të fundit të tij të fundit kur “Tre Luanët” të përballen me Greqinë dhe Republikën e Irlandës në Ligën e Kombeve. Ish-mesfushori i Evertonit, do të largohet për t’i lënë vendin Tomas Tuhelit dhe do të rikthehet në rolin trajnerit U-21. Por 50-vjeçari nuk dëshiron që lojtarët e tij të humbasin fokusin ose të heqin këmbën nga gazi, vetëm sepse ai do të largohet.
Anglia duhet të mundë Greqinë në Athinë për të pasur një shans për të fituar grupin e tyre. Por Karslej ka parë tetë lojtarët e tij kryesorë të tërhiqen nga skuadra për shkak të dëmtimit.
Gjithsesi, ai u ka thënë atyre që mbetën dhe u thërritën për t’i zëvendësuar që të përqendrohen në marrjen dy fitoreve në pushimin ndërkombëtar të këtij muaji. Ai foli me skuadrën e tij në “St George’s Park” përpara nisjes drejt Athinës dhe e bëri të qartë se çfarë priste prej tyre.
“Nuk ka rëndësi se çfarë do të ndodhë vitin e ardhshëm. Fokusi ynë është thjesht në këto dy ndeshje, sepse ato janë ndeshje të rëndësishme. Ne jemi të dytët në tabelë. Ne duam ta mbyllim sezonin duke përfunduar në krye. Pra, ka dy ndeshje të rëndësishme për ne.
Ne e dimë se sa e rëndësishme do të jetë ndeshja kundër Greqisë, për shkak të vendit ku ata janë në tabelë. Një ndeshje kundër Irlandës është gjithmonë gjithashtu e rëndësishme. Kështu që janë dy ndeshje të mëdha për ne dhe ne do të kërkojmë t’i fitojmë të dyja”.
DËMTIMET – Dëmtimet kanë detyruar ndryshime të rëndësishme në skuadrën e Anglisë për takimet e radhës. Titullarë si Trent Aleksander-Arnold, Bukajo Saka, Deklan Rajs dhe Fill Foden nuk janë të disponueshëm, së bashku me portierin Aron Ramsdejl.
Kjo i ka hapur rrugën talenteve të reja, duke përfshirë Morgan Roxhersin e Aston Vilës, i cili fitoi ftesën e tij të parë në ekipin e parë. Lojtarë të tjerë të rinj, si Tino Livramento dhe Xhejms Traford i bashkohen listës, së bashku me Xharrad Brenthueit dhe Bouen.
