Gjeorgjia synon rekordin unik!
Momentalisht në vendin e dytë në Grupin B1, të cilin e ndan së bashku me Shqipërinë, në kuotën e gjashtë pikëve të grumbulluara. Gjeorgjia, skuadra që kuqezinjtë e mposhtën në muajin tetor në Tbilisi, ëndërron një rekord unik në Nations League.
Nëse fitojnë grupin, të besuarit e trajnerit Willy Sagnol do të bëheshin skuadra e parë që kalon nga Liga D, ku milituan në edicionin e parë në vitin 2018, në Ligën A.
Për ta realizuar këtë arritje, gjeorgjianët duhet të mposhtin Ukrainën dhe Republikën Çeke në dy ndeshjet e fundit.
