Viktor Gyokeres është një nga sulmuesit më në formë në Evropë duke shënuar vazhdimisht me skuadrën e tij Sporting Lisbona dhe me Kombëtaren e Suedisë.
Sulmuesi suedez ka qenë i lidhur me një mori klubesh më të mira të Ligës Premier si Chelsea , Arsenal , Manchester United dhe Liverpool.
Por ai është edhe në listën e dëshirave të skuadrave tjera të mëdha si Barcelona, Bayern Munich e Paris Saint Germain.
Megjithatë, sulmuesi i Sporting CP ka shprehur dëshirën për ta mbyllur sezonin në klubin e tij aktual.
Gyokeres nuk përjashton një transferim verën e ardhshme, por besnikëria e tij është me klubin portugez për momentin.
Kur u pyet për të ardhmen e tij, Gyokeres tha pas fitores së Suedisë ndaj Sllovakisë 2-1 se do ta përfundoj sezonin te Sportingu.
“Dua ta përfundoj sezonin me Sporting. Më pëlqen të jem atje. Nuk jam i stresuar për një lëvizje”, deklaroi ylli suedez.
Gyokeres ka shënuar 23 gola në të gjitha garat këtë sezon, dhe ka shtuar katër asistime.
