Presidentja e gjigantëve brazilianë Palmeiras u tall me vështirësitë e Neymar tek Al-Hilal dhe përjashtoi mundësinë e nënshkrimit të ikonës së Brazilit.
Neymar ka patur probleme me dëmtimet që kur u transferua në Saudi Pro League verën e kaluar.
Ai u rikthye shkurtimisht në fushë muajin e kaluar, megjithatë, por pësoi një dëmtim tjetër që do ta mbajë jashtë fushës për katër deri në gjashtë javë.
Ka pasur bisedime për largimin e 32-vjeçarit nga Arabia Saudite që në janar 2025 mes interesimit nga klubi i tij i fëmijërisë Santos.
Pala braziliane raportohet se po përgatit një ofertë konkrete për të rikthyer Neymarin në atdhe, megjithatë, Palmeiras ka përjashtuar mundësinë e nënshkrimit të ish-yllit të Paris Saint-Germain pasi presidentja e klubit është tallur me gjendjen e lojtarit.
Duke folur për UOL, presidentja Leila Pereira tha:
“Lojtar i madh, por ai nuk do të vinte këtu. Unë dua të investoj te një lojtar që mund të luajë menjëherë, që mund të futet në fushë që nesër nëse e vendos trajneri.
“Palmeiras nuk është një repart mjekësor. Unë nuk pranoj që një lojtar i nënshkruar nga Palmeiras të mos jetë gati të luajë menjëherë”.
