Ish-sulmuesi holandez, Robin Van Persie është pyetur rreth rikthimit te Arsenali si trajner.
Mirëpo holandezi, ka thënë se dera është mbyllur për të te Arsenali pas transferimit të tij te Manchester United në vitin 2012.
“Nuk pres të punoj në Arsenal. Mendoj se kjo është e mbyllur, për shkak të kalimit tim te Manchester United…
Është ende e ndjeshme për ta, jo për mua – është veçanërisht e ndjeshme për tifozët e Arsenalit”,- u shpreh Van Persie.
Holandezi, aktualisht është trajner në “Eredivisie” te skuadra e Heerenveen e cila gjendet aktualisht në pozitën e 12-të në elitën e futbollit holandez.
