Italia luan finalen për vendin e parë ndaj Francës pa Donarumën. Publikohen formacionet e dy dueleve të darkës!
Ndeshjet e të dielës në Ligën e Kombeve mbyllen me dy duelet e Grupit A1, ku në lojë janë si pozitat në grup sa u përket dy vendeve të para, ashtu edhe që të mësohet se kush do të bjerë direkt në Ligën B.
Italia luan ndaj Francës një finale të mirëfilltë, me skuadrën e Spaletit që ka tre pikë avantazh falë fitores në ndeshjen e parë kundër “gjelave”.
Ndërkaq, një avantazh prej tre pikësh ka edhe Belgjika ndaj Izraelit, në duelin ku diskutohet kush do të bjerë direkt dhe kush do të shkojë në play-off për të diskutuar qëndrimin në Ligën A.
