Ish-ylli i Real Madrid-it dhe Ajax-it, Rafael van der Vaart, i ka kërkuar Frenkie de Jong të largohet nga Barcelona.
Van der Vaart mendon se De Jong mund ta zgjasë karrierën e tij nëse largohet nga Barça dhe kthehet në shtëpi.
“Ai luajti një ndeshje fantastike (kundër Hungarisë) edhe pse mundet dhe duhet të jetë edhe më i mirë. Është logjike. Ai ka arritur shumë gjëra, por tani duhet të qëndrojë në formë”, tha ai për AS.
“Ai është një lojtar fantastik nga i cili do të përfitojmë jashtëzakonisht shumë. Nëse do të ishte në dorën time, do t’i thoja të kthehet në shtëpi (tek Ajax).
“Ai nuk ka nevojë për më shumë udhëtime. Duhet të jetë i kujdesshëm me atë kyçin e këmbës. Është mjaft i rrezikshëm. Ndikon edhe psikologjikisht tek ai”.
