Selektori i kombëtares së futbollit ukrainas, Sergej Rebrov, ka refuzuar të flasë në rusisht gjatë një konference për shtyp para ndeshjes me Shqipërinë në Ligën e Kombeve.
Trajneri i parë i futbollit të Ukrainës e nisi fjalën në gjuhën ukrainase, por më pas doli se pala shqiptare nuk kishte një përkthyes për atë gjuhë.
"Rebrov iu kërkua nga njerëz të Federatës së Futbollit Shqiptar që të përsëriste atë që tha në rusisht, por ai heshti, edhe pse ishte gjuha e tij amtare nga lindja. Në vend të kësaj, zëdhënësi i Federatës së Futbollit të Ukrainës u përgjigj: “Jo rusisht!”", e sulmon një pamflet serb "Kurir".
Pas kësaj, komunikimi ka vazhduar në anglisht. Futbollistët e Shqipërisë dhe Ukrainës do të luajnë sonte në stadiumin e Tiranës ndeshjen e fundit të divizionit B të Ligës së Kombeve nga ora 20:45.
Shqiptarët kanë nevojë për një triumf për të qenë në një nga dy vendet e para të grupit, ndërsa ukrainasit ikin me fitore nga pozita e fundit dhe mund të kalojnë në play-off për t'u vendosur në divizionin elitar A.
