Trajneri i Liverpool, Arne Slot këmbënguli se Cody Gakpo është pjesë e planeve të tij në Premier League. Holandezi ka luajtur më së shumti si zëvendësues në këtë pjesë të parë të sezonit edhe pse në 17 ndeshje zyrtare ka realizuar 6 gola.
“Cody ka qenë, për mendimin tim, një lojtar i mirë për Liverpool për një kohë të gjatë. Ai vazhdon ta transmetojë këtë dhe kjo është një gjë e mirë.
Për mua, ai është një titullar i rregullt”, tha Slot.
Më tej, trajneri i “reds” shtoi: “Ai nuk ka filluar si titullar çdo ndeshje, por ka luajtur rregullisht dhe është në konkurrencë të ashpër me Luis Diaz. Kjo është normale nëse luan në një klub si Liverpool dhe ke dy lojtarë cilësorë për shumë pozicione”.
Gapko ka filluar si titullar vetëm dy nga 11 ndeshjet e Premier League këtë sezon, por trajneri Slot beson shumë te patrioti tij. “Tani do të luajmë shumë shpesh, çdo tri ditë për një kohë të gjatë, ndaj ka vend për të gjithë lojtarët”, tha Slot.
