Napoli, ekipi i drejtuar nga Antonio Conte, do të fokusohet në përforcime në mbrojtje gjatë janarit, me synim për të sjellë një qendërmbrojtës dhe një mbrojtës të djathtë.
Sipas raportimeve, ky hap është i nevojshëm pas një starti të fortë të sezonit, ku Napoli ka grumbulluar 29 pikë në 13 ndeshje të Serie A, një më shumë se Atalanta, Fiorentina, Lazio dhe kampionët në fuqi – Interi.
Nën drejtimin e Conte, përforcimet e verës duket se kanë arritur të përshtaten mirë, me Romelu Lukaku që ka shënuar pesë gola dhe ka dhënë katër asiste, ndërsa Scott McTominay, i cili nuk është ndërruar asnjëherë gjatë ndeshjeve, ka kontribuar në katër gola. Gjithashtu, Alessandro Buongiorno ka treguar formë të shkëlqyer në mbrojtje.
Megjithatë, mungesa e rotacioneve dhe dëshira për të rinovuar pjesërisht skuadrën duket se kanë bindur klubin të kërkojë përforcime të reja në mbrojtje gjatë dimrit.
Rafa Marin dhe Juan Jesus nuk kanë arritur të konkurrojnë për një vend titullar dhe mund të largohen nga klubi, shkruan Football-italia.com.
Sipas TMW, një qendërmbrojtës i majtë është konsideruar si një zëvendësues i mundshëm për Juan Jesus, ndërsa Napoli po shqyrton mundësinë e një mbrojtësi të djathtë si pasues për Giovanni Di Lorenzo.
