Në fundjavë rikthehet në ekranin e RTSH-së, kampionati Abissnet Superiore, që do të luajë javën e 15-të, e cila kulmon me derbin e kryeqytetit, Tirana-Partizani.
Sfida mes dy skuadrave të kryeqytetit do të luhet të dielën e 1 dhjetorit, në stadiumin “Air Albania” në ora 19:00 dhe do të jetë sfida përmbyllëse e kësaj jave.
Sakaq, java e 15-të do të hapet me ndeshjen Bylis – Vllaznia, që do të luhet në stadiumin e Ballshit më 29 nëntor në ora 13:30.
Të shtunën do të zhvillohen tre sfidat e tjera të javës. Laçi – Skënderbeu dhe Egnatia – Partizani do të luhen në ora 13:30, ndërsa në 16:30, Dinamo City do të përballet me durrsakët e Teutës.
