Bayer Leverkusen mori një fitore të madhe 5-0 ndaj RB Salzburgut të martën mbrëma, por ndeshja u shënua nga një penallti skandaloze për kampionët e Gjermanisë në fazat e para të ndeshjes.
‘Milionerët’ kaluan në epërsi në minutën e tetë nga një penallti nga Florian Wirtz, por është thjesht e pabesueshme pse gjyqtari ukrainas Mikola Balakin vendosi të akordonte penalltinë.
Shcick gjuajti drejt portës, topi goditi këmbën e mbrojtësit Samson Baidoo, më pas u hodh në bërrylin e tij dhe ukrainasi tregoi një goditje nga pika e bardhë.
Për ta bërë edhe më skandaloz vendimin, gjyqtari kontrolloi edhe VAR-in, por edhe kjo nuk e ndryshoi vendimin e tij krejtësisht të paqartë, pasi sipas rregullores nuk mund të jepet penallti në situata të tilla.
Amar Dediq dhe shokët e tij mbetën në mosbesim dhe më pas u shpërbënë plotësisht dhe shkuan 3-0 pas pjesës së parë dhe 5-0 në fund të ndeshjes.
Përveç Wirtz, i cili përveç penalltisë shënoi edhe në minutën e 30-të, gola për Leverkusenin shënuan edhe Alejandro Grimaldo (11’), Patrik Schick (61’) dhe Alex Garcia (72’).
