Presidenti i FFK-së, Agim Ademi, i shoqëruar nga anëtari i KE-së, Ismajl Ajeti, pas vizitës në Pejë, qëndroi për vizitë pune edhe në Lidhjen Rajonale të Futbollit në Gjakovë, ku u prit nga kryetari Agim Nura dhe bashkëpunëtorët e tij. Edhe ky takim ishte në kuadër të angazhimit të FFK-së për reforma dhe përmirësimin e organizimit rajonal.
Në diskutim u vunë prioritetet strategjike, duke përfshirë avancimin e sistemit të digjitalizimit dhe riorganizimin e strukturave rajonale. Po ashtu, u analizuan sfidat dhe nevojat e këtij regjioni për ta rritur efikasitetin dhe për ta përmirësuar koordinimin në funksion të komunitetit të futbollit.
Edhe në këtë takim kreu i FFK-së theksoi rëndësinë e një organizimi më modern dhe më funksional, duke shtuar se procesi i digjitalizimit që ka nisur tashmë do të transformojë mënyrën e funksionimit të Lidhjeve Rajonale.
Presidenti Ademi theksoi se reformat dhe programi i digjitalizimit do të krijojnë kushte më të mira për klubet, shkollat e futbollit dhe gjithë komunitetin sportiv, duke sjellë transparencë dhe efikasitet në punë.
