Eqerem Memushi mendon se Flamurtari nuk duhet të eliminohej nga Besa në rrugëtimin e Kupës së Shqipërisë. Ish-trajneri i vlonjatëve që drejtoi kuqezinjtë sezonin e kaluar, për “Panorama Sport”, thotë se turi duhet të kalohej aq më shumë që luanin me Besën.
“Skuadra përbëhet nga 25 lojtarë dhe Flamurtari nuk ka ndonjë diferencë brenda futbollistëve që ka në dispozicion. Mendoj se duhet ta kishin vlerësuar maksimalisht Kupën e Shqipërisë edhe për ecurinë e kampionatit.
Kjo duhet t’u shërbente edhe për moralin në ndeshjet që vijnë më pas. Megjithatë, nuk është ndonjë kiamet i madh që u eliminuan.
Unë e them këtë që ta fitonin, thjeshtë pasi luanin n këtë tur me skuadrat e Kategorisë së Parë. Duhet ta kishin kaluar këtë raund të Kupës, pastaj gjërat vështirësohen duke ditur se në lojë futen edhe skuadrat e Kategorisë Superiore, një janë klube me objektiva më madhore nga ne dhe kanë edhe kualitete më shumë sesa Flamurtari.
Insistoj se duhet ta kalonin turin e dytë të Kupës, pasi përballjet ishin me skuadrat e nivelit të tyre. Duke dikur që luante edhe me një pretendente, siç është Besa për elitën, kualifikimi kishte kuptim. Për anën morale, por edhe për të vërtetuar që ne jemi skuadër më e fortë nga Besa, duhet ta kalonin atë tur”, shprehet fillimisht trajneri Memushi.
