KF Shkëndija njofton publikun se ndeshja e xhiros së 17-të të Ligës së Parë të futbollit të Maqedonisë, e planifikuar të zhvillohet të dielën, më 1 dhjetor, në Ohër kundër Voska Sport, është shtyrë.
“Federata e Futbollit të Maqedonisë ka informuar se, me rekomandim të Ministrisë për Punë të Brendshme (MPB) dhe për arsye sigurie në vend, e gjithë xhiroja e 17-të është shtyrë.
Sipas vendimit të MPB-së, ndeshjet e kësaj xhiroje do të zhvillohen të martën, më 3 dhjetor, ndërsa për praninë e publikut (ndeshjet do të luhen me apo pa spektatorë) FFM në koordinim me MPB do të vendosë hënën”, ka njoftuar KF Shkëndija.
KF Shkëndija do të vazhdojë programin stërvitor gjatë ditës së dielë dhe të hënë, duke e përshtatur punën për t’u përgatitur për përballjen e së martës ndaj Voska Sport në Ohër.
