“Jam i kënaqur me paraqitjen e skuadrës.
E dimë se çdo ndeshje është e rëndësishme dhe kemi bërë shumë mirë. Kemi marrë tri pikë të rëndësishme dhe duhet të vazhdojmë kështu”.
Kështu ka nisur intervista e dhënë nga Antoine Griezmann për DAZN, pas fitores 5-0 të marrë nga Atletico Madrid në fushën e Valladolid.
Në lidhje me duartrokitjet e marra nga tifozët rivalë pas golit të tij: “I falënderoj sepse, në fund të fundit, kjo është ajo që dëshiron çdo lojtar. E vlerësoj shumë. Ndihem shumë mirë dhe shpresoj të jap më shumë”.
Në lidhje me luftën për titull në La Liga: “Kemi një trajner mesazhi i të cilit është shumë i qartë dhe është ajo që mendojmë edhe ne, ndeshje pas ndeshje. Vazhdojmë kështu dhe punojmë”.
