Tijani Reijnders është kthyer në pikë referimi për Milanin e Paulo Fonseca-s: me dygolëshin ndaj Empolit, mesfushori kuqezi ka arritur në 6 gola, prandaj është e nevojshme të përshpejtohet rinovimin.
La Gazzetta dello Sport konfirmoi se klubi tashmë ka filluar negociatat prej disa kohësh: “Nuk është rastësi që Milani tashmë ka lëvizur me familjen dhe menaxherin e tij për të zgjatur kontratën e lojtarit nga 2028 në 2030 me rritje të ndjeshme të rrogës.
“Paga e Tijjanit do të shkojë nga 1.7 në 3 milionë euro, një shifër që sigurisht është më shumë në përputhje me paraqitjet e nivelit të lartë dhe gjithashtu e nevojshme për të shmangur çdo tundim”.
Dëshira e Reijnders është të qëndrojë në Milan për një kohë të gjatë, por sirenat nga jashtë kanë nisur tashmë prej kohësh. Megjithatë, lojtari është i fokusuar në atë që po ndodh te kuqezinjtë:
“Pozicioni në renditje nuk është ai që duam, ne po shkojmë në fushë për titull. Nuk kemi bërë ende asgjë, duhet të vazhdojmë në këtë rrugë”, ka theksuar ai pas ndeshjes.
