Presidenti i Interit, Bepe Marota, foli pas situatës dramatike, ku futbollisti i Fiorentinës, Bove, humbi ndjenjat në fushë, pas një kolapsi, në minutat e para në duelin ndaj zikaltërve.
Në prononcimin e dhënë për “Sky Sport”, Marota ndër të tjera u shpreh:
“Fola pak më parë më drejtorin Prade, është në spital bashkë me drejtuesit e tjerë të Fiorentinës.
Vendimi për të ndërprerë dhe shtyrë ndeshjen ishte spontan nga të dy palët, i shprehim mbështetjen tonë Fiorentinës, nga ana e gjithë familja e Interit. Jemi një komunitet dhe ishte një vendim spontan. Kisha dëshirë ta theksoja këtë.
Rikuperimi i ndeshjes? Nuk e kemi diskutuar ende këtë temë, pasi jemi përballë një fakti shumë të rëndësishëm për shëndetin e djaloshit që shpresojmë që të mos jetë asgjë veçanërisht e rëndë. Do të kemi mundësi në të ardhmen ta përballojmë këtë temë”, deklaroi Marota..
