Faqja e specializuar e statistikave, WhoScored, ka nxjerrë formacionin e muajit nëntor, në bazë të paraqitjeve të lojtarëve.
Sa i përket Ligës Premier, në këtë formacion ka zënë vend portieri Arijanet Muric.
Portieri që mbron edhe ngjyrat e Kosovës, ka shkëlqyer me fanellën e Ipswich, ndonëse ekipi i tij është i përfshirë në luftën për mbijetesë.
WhoScored në formacionin ideal të Ligës Premier për muajin nëntor, bazuar te notat mesatare statistikore të futbollistëve, ka vendosur Muric, i cili kishte notë mesatare 7.22.
Në formacion kanë zënë vend edhe emra si Noussair Mazraoui, Matheus Cunha, Mohamed Salah, Bruno Fernandes, Dominik Solanke dhe Joao Pedro.
Muric kishte paraqitje shumë të mira edhe për Kosovën gjatë muajit nëntor, duke e mbajtur portën e paprekur ndaj Rumanisë dhe Lituanisë.
