Partizani – Egnatia është supersfida e ditës së sotme që do të luhet në orën 17:00 në “Arenën e Demave”.
Një duel shumë i rëndësishëm mes 2 ekipeve që vë përballë skuadrat që kërkojnë kreun e Superiores.
Një përballje “titanësh”, me “Demat” që vijnë si kryesues në këtë përballje, ndërsa nga krahu tjetër kampionët synojnë të tregojnë forcën e tyre. Një kundërshtar që rrogozhinasit dinë si të fitojnë.
Në 10 duelet e fundit mes tyre, Egnatia ia ka dalë të triumfojë në 3 raste, 2 të tjera janë fituar nga Partizani.
Ndërkohë 5 ndeshje mes tyre kanë përfunduar në barazim. 11 gola kanë shënuar rrogozhinasit në portën e të kuqve, ndërsa kryeqytetasit kanë mundur të gjejnë rrugën e rrjetës në 9 raste.
