Trajneri i Chelsea, Enzo Maresca, ka konfirmuar se mbrojtësi francez Wesley Fofana do të mungojë për disa javë.
Mbrojtësi çaloi gjatë fitores 3-0 ndaj Aston Villa të dielën, ndaj dhe nuk u aktivizua në mesjavë në fitoren 5-1 ndaj Southampton.
Por kjo nuk do të jetë ndeshja e vetme ku do të mungojë. “Ne nuk kemi ndonjë përditësim për momentin, kështu që duhet të presim pak dhe shpresojmë se mund të marrim disa lajme të tjera në ditët në vijim“, tha Maresca.
“Gjithsesi, e sigurtë është se ai do të mungojë javët e ardhshme. Është një humbje e madhe sepse Wes po bënte një paraqitje fantastike çdo ndeshje, por ne duhet ta pranojmë atë dhe të gjejmë një zgjidhje”, shtoi trajneri italian.
Maresca tha se ka gati disa alternmativa: “Benoit Badiashile mund të jetë një nga zgjidhjet, por ne kemi lojtarë të ndryshëm që mund të luajnë në rolin e Fofana”. Këtë sezon, francezi ka luajtur 12 ndeshje për Chelsea.
