Edhe Kombëtarja U-19 e vajzave ka njohur kundërshtaret e raundit të dytë të kualifikueseve të Kampionatit Europian.
Shqipëria U-19 është pozicionuar në Grupin B4, së bashku me Irlandën e Veriut, Malin e Zi dhe Azerbajxhanin.
Vajzat do të luajnë për të siguruar ngjitjen në Ligën A për sezonin e ardhshëm.
Ndeshjet e Grupit B4 do të zhvillohen në shkurt 2025 dhe UEFA si edhe federatat pjesëmarrëse në këtë grup kanë vendosur t’ia besojnë FSHF-së organizimin e këtij mini-turneu.
Takimet do të luhen në datat 18, 21 dhe 24 shkurt 2025.
